बाबांविषयी माहिती

---

अशा कठीण सपः साथने मुळे गुरुदेव त्यांना प्रसन्न झाले व त्यांनी रामकृष्णास उपदेश दिला आणि गळ्यात विजयी माला आशीर्वाद दिला. तिथून पुन्हा ते तीर्थयात्रा करण्यासाठी निघाले. भारत भ्रमण करीत चार धाम यात्रा करून शेवरी ते चिखलीत आले. तेव्हा हयाच क्षेत्राला त्यांनी आपली कर्मभूमी व तपोभूमी मानून अखंड तपसाधना सुरु केली. काशीनाथ आप्पा बोंद्रे यांच्या मळ्यात, १९४३ साली गुढीपाडव्याच्या सुमुहूर्तार अंगावरील लंगोटीचाही त्याग करून नग्न दिगंबर वृत्तीने ते वागू लागले 

निंब वृक्षाचा आश्रय घेऊन ते रात्रंदिवस ऊन, पाऊस, थंडी घ्याची तमा न बाळगता ध्येय गाठण्याच्या कार्यास लागले. आपल्या अखंड तपश्चर्येने त्यांनी कृपानिधी प्राप्त करून घेतला त्यांचा तपः सामर्थाने बरेच लोक प्रभावित झाले व ते नियमित बाबांकडे येऊ लागले. कालांतराने त्यांचा भक्तवृंद बराच वाढला. त्यांच्या मौनव्रतामुळे लोक त्यांना मौनीबाबा म्हणून संबोधू लागले. तपाचरण करीत असतांना बाबांनी परमहंस वृत्ती म्हणजे लहान मूलांची वृत्ती धारण केली होती. त्यामुळे परमहंस रामकृष्ण मौनीबाबा या नावाने ते चिखलीत उदयास आले. चिखली येथील श्रीमंत काशीनाथ आप्पा बोंद्रे हे मौनीबाबांचे पहिले भक्त. त्यानंतर मात्र भक्त वर्ष सारखा वाढू लागला. भक्तांना काही अनुभूती बाबांच्या दर्शनामूळे येऊ लागल्या. काही भक्त मंडळींची त्यांना आलेल्या अनुभवावरून श्रद्धा इतक्या पराकोटीला पोहचली की, रात्रंदिवस ते बाबांच्या सेवेत राहू लागले.

काशीनाथ आप्पा बोंद्रे यांनी बाबांना मठ बांधून दिला आणि आपल्या भक्तीने नेहमी करीता बाबांना चिखलीला ठेवून घेतलं.

मौनीबाबांनी बद्रीनाथला मौनव्रत धरले होते आणि तिथे जाऊनच भक्तांच्या विनंतीवरून अठरा वर्षांनी मौनव्रताची समाप्ती केली. मौनव्रत सोडल्यानंतर मौनीबाबा भक्तांना उपदेश करु लागले, बाबांच्या तोंडून निघालेली अमृतवाणी भक्तांना मार्गदर्शक ठरू लागली.

श्रीकृष्णाने सांगितलेले कर्माचे महत्त्व मौनीबाबा नेहमी 'ज्याचे त्याला’ या दोनच शब्दात सांगायचे. 'माझा प्रिय आत्मा जनी जनता जनार्दन’ हे बाबांचं वाक्य होत. बाबांनी सर्व भक्तांवर भरभरून प्रेम केलं. माणसाला माणूस म्हणून शिकवले.

७ जुलै १९९० आषाढ शुद्ध पौर्णिमा (गुरु पौर्णिमा) या दिवशी चिखली येथे बाबांनी देह ठेवला आणि अनंतात विलिन झाले,

चिखली येथे मौनीबाबांचे भव्य दिव्य मंदिर आहे. तिथे योगेश्वर मौनीबाबांची समाधी स्थित आहे.

आजही बाबांच्या दर्शनाचा आणि कृपा प्रसादाचा लाभ घेण्यासाठी असंख्य भक्त चिखली स्थळी येतात. दिवसेंदिवस मौनीबाबांचा भक्त परिवार वाढत आहे, शुभमूर्तीचे दर्शन भाविकांना वेगळाच आध्यात्मिक आनंद प्राप्त करून देते.

अलौकिक अनुभूतीने नटलेले मौनीबाबा दैदिप्यमान हिरा आहेत ‘एक कोहिनूर हिरा’.